Избоскандаги масжид қандай портлаган эди?

Андижон вилояти Избоскан туманидаги масжид таҳоратхонасида газ портлаши оқибатида уч киши ҳалок бўлиб, 10 киши жароҳатланган. Бу ҳақда ФВВ матбуот хизмати ҳолат юзасидан қўшимча маълумотида маълум қилинди.

«Бугун, 31 март куни соат 12:19 да Андижон вилояти, Избоскан тумани “Мирзо Улуғбек” МФЙ, Янги бозор кўчасида жойлашган масжид ҳудудидаги таҳоратхонада газ-ҳаво аралашмасининг чақнаши содир бўлганлиги тўғрисида Андижон вилояти ФВБга хабар қилинган.

Зудлик билан айтилган манзилга 2 та қутқарув отряди ва 2 та ёнғин-қутқарув экипажи етиб борган. Ҳодиса натижасида таҳоратхона девор ва том конструкцияларига зарар етиб, ёнғин содир бўлмаган.

Чақнаш оқибатида 3 нафар фуқаро М.Абдуллаев, Ж.Анваров ва Б.Бурхонов ҳалок бўлган, 10 нафар фуқаро Ғ.Тойлоқов, А.Абдирайимжонов, Ҳ.Зуҳриддинов, И.Раҳимов, М.Маматураимов, И.Шомуродов, Қ.Қосимов, У.Болтабоев, М.Абдураҳмонов ва М.Болтабоев тан жароҳати олиб, шифохонага юборилган»