Izboskandagi masjid qanday portlagan edi?

Andijon viloyati Izboskan tumanidagi masjid tahoratxonasida gaz portlashi oqibatida uch kishi halok bo‘lib, 10 kishi jarohatlangan. Bu haqda FVV matbuot xizmati holat yuzasidan qo‘shimcha ma'lumotida ma'lum qilindi.

«Bugun, 31 mart kuni soat 12:19 da Andijon viloyati, Izboskan tumani “Mirzo Ulug‘bek” MFY, Yangi bozor ko‘chasida joylashgan masjid hududidagi tahoratxonada gaz-havo aralashmasining chaqnashi sodir bo‘lganligi to‘g‘risida Andijon viloyati FVBga xabar qilingan.

Zudlik bilan aytilgan manzilga 2 ta qutqaruv otryadi va 2 ta yong‘in-qutqaruv ekipaji yetib borgan. Hodisa natijasida tahoratxona devor va tom konstruktsiyalariga zarar yetib, yong‘in sodir bo‘lmagan.

Chaqnash oqibatida 3 nafar fuqaro M.Abdullaev, J.Anvarov va B.Burxonov halok bo‘lgan, 10 nafar fuqaro G‘.Toyloqov, A.Abdirayimjonov, H.Zuhriddinov, I.Rahimov, M.Mamaturaimov, I.Shomurodov, Q.Qosimov, U.Boltaboev, M.Abdurahmonov va M.Boltaboev tan jarohati olib, shifoxonaga yuborilgan»