РАДИКАЛ ТАРҒИБОТ УЧУН 56 МИЛЛИОН СЎМ ЖАРИМА

Ургутлик 29 яшар фуқаро Икрамов Зафар Ҳаким ўғли радикал мазмундаги диний материалларни тарқатгани учун иккинчи бор жавобгарликка тортилди.

Икрамов Зафар – 4 боланинг отаси, ҳеч қаерда ишламайди. Радикал мазмундаги диний материалларни тарқатгани учун беш «минималка» жарима билан жазоланган.

Огоҳлантириш ва нисбатан енгил жазодан кейин ҳам Икрамов Зафар кескин тарғиботда давом этди. YouTube’ да тарқатган видеолари асосан Абдуллоҳ Зуфар ва Аҳлуддин Навқотийга тегишли. Диний экспертизада бу контент эътиқодий тоқатсизликни тарғиб қилувчи, ўзга динларни камситувчи, ақидапарастлик деб баҳоланди.

Самарқанд туман суди Икрамов Зафар Ҳаким ўғлига 56 миллион 250 минг сўм жарима жазосини тайинлади. Ҳаваскор рижол шу пайтгача эплаб 4 боласини боқмаган бўлса ҳам, ана энди жарима тўлаш учун телефонни йиғиштириб қўйиб ишлайди.