Андижон Америка бозорини танлайди

Америка бозорига кириб бориш осон жараён эмас. Бунинг учун қатор халқаро даражадаги янги сертификатларга эга бўлиш талаб этилади.

Шу мақсадда, ҳозирги кунда ўтказилаётган учрашувлар давомида асосий эътибор тўқимачилик маҳсулотлари учун зарур сертификатларни олиш масаласига қаратилмоқда. 

Андижон вилояти ҳокими Америка бозорига кириб бориш бўйича ташрифини амалга оширмоқда. Ушбу ташриф доирасида у ердаги йирик компаниялар билан учрашувлар ўтказилмоқда.

Асосий эътибор тўқимачилик саноати, қишлоқ хўжалиги саноати ва айти соҳаси каби йўналишларга қаратилган. Чунки айнан Андижон вилояти тўқимачилик саноати салоҳияти ва имкониятлари билан ажралиб туради.

Вилоят ҳокими Америка компаниялари билан ҳамкорликни йўлга қўйиш, янги шериклик алоқаларини шакллантириш ва экспорт географиясини кенгайтириш масалаларини муҳокама қилмоқда.

Шу орқали андижонлик тадбиркорларнинг маҳсулотларини Америка бозорига олиб чиқиш, ҳамда янги инвестицион лойиҳаларни амалга ошириш бўйича амалий натижаларга эришилиши кутилмоқда.