Andijon Amerika bozorini tanlaydi

Amerika bozoriga kirib borish oson jarayon emas. Buning uchun qator xalqaro darajadagi yangi sertifikatlarga ega bo‘lish talab etiladi.

Shu maqsadda, hozirgi kunda o‘tkazilayotgan uchrashuvlar davomida asosiy e'tibor to‘qimachilik mahsulotlari uchun zarur sertifikatlarni olish masalasiga qaratilmoqda. 

Andijon viloyati hokimi Amerika bozoriga kirib borish bo‘yicha tashrifini amalga oshirmoqda. Ushbu tashrif doirasida u yerdagi yirik kompaniyalar bilan uchrashuvlar o‘tkazilmoqda.

Asosiy e'tibor to‘qimachilik sanoati, qishloq xo‘jaligi sanoati va ayti sohasi kabi yo‘nalishlarga qaratilgan. Chunki aynan Andijon viloyati to‘qimachilik sanoati salohiyati va imkoniyatlari bilan ajralib turadi.

Viloyat hokimi Amerika kompaniyalari bilan hamkorlikni yo‘lga qo‘yish, yangi sheriklik aloqalarini shakllantirish va eksport geografiyasini kengaytirish masalalarini muhokama qilmoqda.

Shu orqali andijonlik tadbirkorlarning mahsulotlarini Amerika bozoriga olib chiqish, hamda yangi investitsion loyihalarni amalga oshirish bo‘yicha amaliy natijalarga erishilishi kutilmoqda.