FT: Трамп ва Путин ўртасидаги Украина музокаралари барбод бўлди

«Файнаншал Таймс» газетасининг ёзишича, Кремл Вашингтоннинг саҳоватли таклифларини эътиборсиз қолдириб, Украинани бомбардимон қилишни давом эттирганидан сўнг, АҚШ президенти атрофидагиларнинг қарашларида «тектоник силжиш» юз берган.

Трамп урушни тўхтатиш эвазига Путинга ўта фойдали битимларни таклиф қилган эди.

Бу келишув ўз ичига санкцияларни бекор қилиш, Қримни Россия ҳудуди сифатида тан олиш ҳамда иқтисодий ҳамкорликни, жумладан, Арктикадаги конларни биргаликда ўзлаштиришни қамраб олган эди.

Аммо Кремл ўз кучини нотўғри баҳолади: Путин оёқ тираб туриб олди ва Украина ҳудудларини таслим бўлишини талаб қилди. Бу эса ярим йилдан ортиқ давом этган ва Аляскадаги шахсий учрашув билан якунланиши керак бўлган музокараларни барбод қилди.

Эндиликда АҚШ Киевга Россия энергетика тизимига зарба бериш учун маълумотлар билан ёрдам бераяпти, бунинг натижасида сентабр ойида бешта нефтни қайта ишлаш заводи (НҚРЗ) тўхтаб қолди ва бензин инқирози бошланди.

Вашингтоннинг риторикаси ҳам кескинлашди. Масалан, махсус вакил Кит Келлог Америка армияси Россия ҳарбийлари ёрдамида босқинчи армиянинг «думини тугишини» ваъда қилди, Трамп эса Путинни «қоғоз йўлбарс» дея мазах қилди.