FT: Tramp va Putin o‘rtasidagi Ukraina muzokaralari barbod bo‘ldi

«Faynanshal Tayms» gazetasining yozishicha, Kreml Vashingtonning sahovatli takliflarini e'tiborsiz qoldirib, Ukrainani bombardimon qilishni davom ettirganidan so‘ng, AQSh prezidenti atrofidagilarning qarashlarida «tektonik siljish» yuz bergan.

Tramp urushni to‘xtatish evaziga Putinga o‘ta foydali bitimlarni taklif qilgan edi.

Bu kelishuv o‘z ichiga sanktsiyalarni bekor qilish, Qrimni Rossiya hududi sifatida tan olish hamda iqtisodiy hamkorlikni, jumladan, Arktikadagi konlarni birgalikda o‘zlashtirishni qamrab olgan edi.

Ammo Kreml o‘z kuchini noto‘g‘ri baholadi: Putin oyoq tirab turib oldi va Ukraina hududlarini taslim bo‘lishini talab qildi. Bu esa yarim yildan ortiq davom etgan va Alyaskadagi shaxsiy uchrashuv bilan yakunlanishi kerak bo‘lgan muzokaralarni barbod qildi.

Endilikda AQSh Kievga Rossiya energetika tizimiga zarba berish uchun ma'lumotlar bilan yordam berayapti, buning natijasida sentabr oyida beshta neftni qayta ishlash zavodi (NQRZ) to‘xtab qoldi va benzin inqirozi boshlandi.

Vashingtonning ritorikasi ham keskinlashdi. Masalan, maxsus vakil Kit Kellog Amerika armiyasi Rossiya harbiylari yordamida bosqinchi armiyaning «dumini tugishini» va'da qildi, Tramp esa Putinni «qog‘oz yo‘lbars» deya mazax qildi.