Тошкентда Тaftish.uz журналистлари қамаб қўйилди

23 октябр куни Тaftish.uz интернет нашри журналистлари Эшқувватова Маржона, Юлдашев Азизбек ва тасвирчи Маматқулов Улуғбек Тошкентнинг Юнусобод тумани Ички ишлар ходимлари томонидан қамаб қўйилди. 

Шунингдек, 23 октябр куни тушдан сўнг Тaftish.uz сайти очилмади. Каналда «Хостинг хизмати вақтинча тўхтатилди» деган ёзув ва унинг тагида хизматнинг узайтирилиши зарурлиги сўралган изоҳ пайдо бўлди.

Taftish.uz нашрининг хабар беришича, журналистлар ва оператор Юнусобод туманига журналистик текширув билан борган.

Текширув давомида ички ишлар ходимлари етиб келиб, ўзини таништирмасдан журналистлар ва видео операторни зўрлик билан олиб  кетган.

Текширув жараёнида нашрга тегишли видео ва фото камераларнинг бир қисми синдириб ташланган.

Бу амалдаги Ўзбекистон Республикаси Конституциясига, қонунларга зид бўлиб сўз эркинлигига тажовуз ҳисобланади. Элтуз Тошкент шаҳар ички ишлар бошқармасидан изоҳ кутади.