Фарғонада қўшнисини тош билан уриб ўлдирган эркак қамалди

Фарғона вилоятида ер можароси туфайли эркак қўшнисини тош билан уриб ўлдирди. Марҳумнинг онасининг сўзларига кўра, воқеа 5 ноябр куни содир бўлган. Қайд этилишича, қўшнилар ўртасидаги можарога ер масаласи сабаб бўлган — фуқаролар боғ устида талашишган. 

Бўлиша олишмаган, муроса қилишмаган. Сўнг айбдор қўшнисига тош отган. Қўшни қонга беланган. Воқеадан сўнг, айбдор воқеа жойидан қочиб, қўшни қишлоқдаги қариндошиникига яширинган. 

Айбланувчи икки кун ичида  қўлга олинган. Иш ИИБ назоратида. Ҳолат юзасидан тергов ва суриштирув ишлари кетмоқда.  Ҳолат юзасидан Жиноят кодексининг 104-моддаси 3-қисми (қасддан баданга оғир шикаст етказиш) билан жиноят иши қўзғатилган. У 10 йилгача озодликдан маҳрум этилиши мумкин.

Эслатиб ўтамиз, Самарқандда ака-ука қариндошини ўйинбозлик туфайли уриб ўлдиришгани шов-шув бўлганди. Жиззахда сув масаласида икки қўшни талашиб натижада эркак қўшнисини кетмон билан уриб ўлдирган эди.