Farg‘onada qo‘shnisini tosh bilan urib o‘ldirgan erkak qamaldi

Farg‘ona viloyatida yer mojarosi tufayli erkak qo‘shnisini tosh bilan urib o‘ldirdi. Marhumning onasining so‘zlariga ko‘ra, voqea 5 noyabr kuni sodir bo‘lgan. Qayd etilishicha, qo‘shnilar o‘rtasidagi mojaroga yer masalasi sabab bo‘lgan — fuqarolar bog‘ ustida talashishgan. 

Bo‘lisha olishmagan, murosa qilishmagan. So‘ng aybdor qo‘shnisiga tosh otgan. Qo‘shni qonga belangan. Voqeadan so‘ng, aybdor voqea joyidan qochib, qo‘shni qishloqdagi qarindoshinikiga yashiringan. 

Ayblanuvchi ikki kun ichida  qo‘lga olingan. Ish IIB nazoratida. Holat yuzasidan tergov va surishtiruv ishlari ketmoqda.  Holat yuzasidan Jinoyat kodeksining 104-moddasi 3-qismi (qasddan badanga og‘ir shikast yetkazish) bilan jinoyat ishi qo‘zg‘atilgan. U 10 yilgacha ozodlikdan mahrum etilishi mumkin.

Eslatib o‘tamiz, Samarqandda aka-uka qarindoshini o‘yinbozlik tufayli urib o‘ldirishgani shov-shuv bo‘lgandi. Jizzaxda suv masalasida ikki qo‘shni talashib natijada erkak qo‘shnisini ketmon bilan urib o‘ldirgan edi.