Истанбулда ўзбекистонлик аёлнинг бошсиз жасади топилди

Туркиянинг Истанбул шаҳрида Ўзбекистон фуқаросининг боши кесилган жасади топилди. Бу ҳақда маҳаллий Sabah нашри хабар берди.

Маълум қилинишича, Истанбул шаҳрининг Шишли туманида қоғоз тўплаб юрган шахс чиқинди қутисидан чойшабга ўралган, бошсиз аёл жасадини топиб олган.

Ҳодиса жойи полиция томонидан ўраб олинган, шундан сўнг қотилликларни тергов қилиш бўлими ходимлари ишга жалб этилган. 

Бармоқ излари орқали шахсини аниқлаш жараёнида ҳалок бўлган аёл 37 ёшли Ўзбекистон фуқароси — Дурдона Ҳакимова экани тасдиқланган.

Нашрга кўра, ҳодиса юзасидан тергов ишлари давом этмоқда.