Istanbulda o‘zbekistonlik ayolning boshsiz jasadi topildi

Turkiyaning Istanbul shahrida O‘zbekiston fuqarosining boshi kesilgan jasadi topildi. Bu haqda mahalliy Sabah nashri xabar berdi.

Ma'lum qilinishicha, Istanbul shahrining Shishli tumanida qog‘oz to‘plab yurgan shaxs chiqindi qutisidan choyshabga o‘ralgan, boshsiz ayol jasadini topib olgan.

Hodisa joyi politsiya tomonidan o‘rab olingan, shundan so‘ng qotilliklarni tergov qilish bo‘limi xodimlari ishga jalb etilgan. 

Barmoq izlari orqali shaxsini aniqlash jarayonida halok bo‘lgan ayol 37 yoshli O‘zbekiston fuqarosi — Durdona Hakimova ekani tasdiqlangan.

Nashrga ko‘ra, hodisa yuzasidan tergov ishlari davom etmoqda.