ДХХ раисининг баëноти диндорларни ҳуркитди

Олий Мажлис Сенатида 29 март куни Давлат хавфсизлик хизмати (ДХХ) раиси Ихтиёр Абдуллаев Ўзбекистонга ҳавф солаётган исломий таҳдид ҳақида гапирди.

«Динга берилган эркинликларни айримлар нотўғри тушуниши оқибатида диний ақидапарастликнинг кучайиб бораётгани намоён бўлмоқда”, деди ДХХ раиси Ихтиёр Абдуллаев.

ДХХ раисининг илк чиқиши диний эркинликларни чеклаш дея баҳоланмоқда. Айни пайтда, ўтган ойда ижтимоий тармоқни жунбушга келтирган тошкентлик имомларнинг чиқишлари анча пасайгани сезилмоқда.

«Туғилмаган чақалоқ айримларни ҳалитдан қўрқита бошлабди… Бош алмашди деб хурсанд бўлган эдик, кепка алмашибди, бош ўша-ўша қолибди, шекилли…», деб ёзди фейсбукда таниқли ўзбек ёзувчиси Нуруллоҳ Муҳаммад Рауфхон.

Ихтиёр Абдуллаев нутқидан кейинги ҳолатни рассом Туз кўзадан чиққан жиннинг қайтиб у ерга кириши тараддуди билан қиёслайди.

Рассом Туз
Eltuz.com