Тилни юқоридагиларга «тил теккизмай» ҳимоя қилиш мумкинми?

«Миллий тикланиш» газетаси ўз муассиси бўлмиш шу номдаги партия ўзбек тилининг софлигини сақлаш, адабий тил меъёрлари ва қоидаларига амал қилишга катта эътибор қаратаётганини иддао қилади.

Газетанинг билдиришича, партия вакиллари томонидан Тошкент вилоятида ўтказилган ўрганишлар давомида ўзбек адабий тили меъёрлари ва қоидалари бузилишларга йўл қўйилгани ҳолатлари аниқланган.

Хусусан, кўплаб ташқи рекламаларда ва пешлавҳаларда ўзбек тилига хос бўлган ҳарфлар (қ, ғ, ў, ҳ) нотўғри ёзилган. Паркент туманидаги Заркент ота зиёратгоҳи пештоқидаги лавҳанинг ўзидагина 22 та имловий хато мавжуд.

Аслида газетада айтилган бундай хатоларни минглаб эмас, миллионталаб топиш мумкин. Шунинг учун асл айбни ўзбек тили юқори доираларда ҳали ҳам иккинчи даражали бўлиб қолаётганидан излаш тўғри бўмасмикин? Ёки «Миллий тикланиш» буни билмайдими?

Eltuz.com