«Шоирнинг бой бўлгани яхши…»

Шоирнинг осмондаги ой бўлганидан махалладаги бой бўлгани тузук. Ургутда нима кўп бой кўп. Ҳар икки одамнинг бири миллионер. 

Ургут табиат неъматлари¸ кўкат ва биткиларини сотибам бой бўлиб юрибди одамлар. 

Лекин шу бойлардан бирортаси уйини кутубхона қилиб бергани йўқ. 

Ургутдан чиққан шоир Абдусаид ака Кўчимов маънавий ва молиявий тарафдан бой бўлгани учун  Ургутдаги камида юз минг доллар турадиган уйини евроремонт қилиб ичини китобдан тўлдириб¸ вайфай ўрнатиб компютерлар қўйиб кутубхона қилиб элига совға қилди. 

Мен Абдусаид акани шу ишини ўбдон яхши кўрдим. Керак бўлса ерларга онтарилиб мақтайман. 

Лекин қарс икки қўлдан чиқади. Ўзбекистон маданият вазирлиги ва Самарқанд вилоят маданият бошқармаси бу кутубхонани балансга олиб керакли штат ва молия билан таъминлаб узоқ йиллар самарали ишлашини таъминлаши керак. Кутубхона иши давлат қўлида бўлиши керак. 

Битта ғишт қўйдингми майдонларига,

Бир васса ўйдингми айвонларига,

Бир мисра қўшдингми достонларига,

Кураб ташладингми томлардан қорни –

Десалар, юртдошим, жавобинг борми?

Бу саволга Абдусаид аканинг жавоби Ургутдаги кутубхонадир.

(Абдусаид ака мархум журналист отам Ражаббой Бобожонни устоз деб хурмат қиларди. Бунинг ҳикматини энди тушундим)

РТ саҳифасидан