«Shoirning boy bo‘lgani yaxshi…»

Shoirning osmondagi oy bo‘lganidan maxalladagi boy bo‘lgani tuzuk. Urgutda nima ko‘p boy ko‘p. Har ikki odamning biri millioner. 

Urgut tabiat ne'matlari¸ ko‘kat va bitkilarini sotibam boy bo‘lib yuribdi odamlar. 

Lekin shu boylardan birortasi uyini kutubxona qilib bergani yo‘q. 

Urgutdan chiqqan shoir Abdusaid aka Ko‘chimov ma'naviy va moliyaviy tarafdan boy bo‘lgani uchun  Urgutdagi kamida yuz ming dollar turadigan uyini yevroremont qilib ichini kitobdan to‘ldirib¸ vayfay o‘rnatib kompyuterlar qo‘yib kutubxona qilib eliga sovg‘a qildi. 

Men Abdusaid akani shu ishini o‘bdon yaxshi ko‘rdim. Kerak bo‘lsa yerlarga ontarilib maqtayman. 

Lekin qars ikki qo‘ldan chiqadi. O‘zbekiston madaniyat vazirligi va Samarqand viloyat madaniyat boshqarmasi bu kutubxonani balansga olib kerakli shtat va moliya bilan ta'minlab uzoq yillar samarali ishlashini ta'minlashi kerak. Kutubxona ishi davlat qo‘lida bo‘lishi kerak. 

Bitta g‘isht qo‘ydingmi maydonlariga,

Bir vassa o‘ydingmi ayvonlariga,

Bir misra qo‘shdingmi dostonlariga,

Kurab tashladingmi tomlardan qorni –

Desalar, yurtdoshim, javobing bormi?

Bu savolga Abdusaid akaning javobi Urgutdagi kutubxonadir.

(Abdusaid aka marxum jurnalist otam Rajabboy Bobojonni ustoz deb xurmat qilardi. Buning hikmatini endi tushundim)

RT sahifasidan