Ўзбекистоннинг ШҲТда учинчи марта раислик қилаётгани мамлакатнинг муҳим ўрни дея иддао қилинмоқда

«Жаҳон» ахборот агентлигининг бир қанча маҳаллий нашрларда босилган хабарида Шанхай ҳамкорлик ташкилоти расмий сайтида «Ўзбекистон иқтисодиётидаги барқарор ўсиш тамойили келажакда ҳам сақланиб қолиши» ҳақида ёзилгани маълум қилинди.

Энг эътиборлиси, Ўзбекистон 15 йиллик юбилейини нишонлаётган ШҲТда учинчи марта раислик қилаётгани мамлакатнинг ушбу тузилмада тутган муҳим ўрнидан дарак бериши таъкидланган.

Аслида бу тузилмада аъзо давлатларнинг ротация тартиби асосида раислик қилиш тамойили мавжуд. Ўзбекистон ҳам ушбу тамойил асосида юбилей йилида раислик қилади.

Аммо оддий ротациянинг ҳам Ўзбекистоннинг ютуғи эътирофи сифатида тақдим этилиши содда ўқувчини ростдан ҳам мамлакатимиз ШҲТда етакчи ўрин тутади, деган фикрга олиб келиши ҳеч гап эмас. Ҳар ҳолда мақола муаллифлари аслида шу ниятни кўзлагани яққол кўриниб турибди.

Eltuz.com