8 may – rus bosqinchilari Toshkent ostonasida hujumga uchradi

1865 yil 8 mayida zambarak bilan qurollangan rus bosqinchi otryadlari Toshkent yaqinidagi janglarda qo‘qonlik Alimqul qo‘shinlarining qaqshatqich hujumiga uchrab, ortga chekinishga majbur bo‘lgan edi.

Ruslarning piyoda va otliq ikki otryadi Solar qirg‘og‘idagi Oltintepa va Qo‘rg‘onchi Nazarbekka qarashli yerlarga yetib kelgan.

Qo‘qon xonligi kuchlari Darxon arig‘ining o‘ng qirg‘og‘iga saflangan edi. Mahalliy xalqning va xonlik harbiylarining ayovsiz qarshiligiga duch kelgan rus qo‘shinlari o‘sha kuni Sho‘rtepaga chekinishiga majbur bo‘lishadi.

Ayrim manbalarga ko‘ra, o‘sha kuni 450 nafar rus bosqinchisi yer tishlagan.

Eltuz.com