Istanbulda o‘zbek imomini o‘ldirganlar ustidan hukm o‘qildi

Istanbulning Baqirko‘y tumanidagi sakkizinchi og‘ir jazo mahkamasida davom etaëtgan sud jaraënida qotillik tashkilotchisi deya ko‘rilgan Sobir Shukurov va qatlni ijro qilgan Eldar Aslon aybli deb topilib ularning har biriga 30 yildan qamoq jazosi berildi.

Bu ma'lumotni Baqirko‘y mahkamasi matbuot hizmati Eltuz.Com muxbiri bilan suhbatda tasdiqladi.

Istanbuldagi terrorizmga qarshi kurash boshqarmasining gumon qilishicha, Sobir Shukurov O‘zbekiston xavfsizlik tizimlarida ishlagan bo‘lishi mumkin.

Mahkama so‘ngida mahkumlarga so‘ng so‘z berildi. Qatl tashkilotchisi deya ayblangan Sobir Shukurov o‘zining aybsizligini ta'kidladi:

«Men yaxshi bir oila sohibiman, doimo qonun-qoidalarga rioya qilib yashadim. Ammo dalil va isbotsiz qo‘lga olindim. Men aybsizman va mahkama qarori qayta ko‘rilishini talab qilaman», dedi mahkum Sobirov.

Ayni paytda sakkizinchi og‘ir jazo mahkamasi hakami mahkumning shikoyatini e'tiborsiz qoldirib “hukmning qat'iyligi”ni ochiqladi.

Andijonning Shahrixon tumanida tug‘ilgan 39 yashar imom Mirzag‘olib Latifovich Hamidov 2014 yil oxirida Istanbulda otib o‘ldirilgan edi.

Shu yilning boshida Shved mahkamasi taniqli o‘zbek imomi Obid Qori Nazarov joniga qasd qilgan boshqa bir toshkentlik yollanma qotil Yuriy Jukovskiyni umrbod jazoga hukm qilingan edi. 57 yoshli imom bundan to‘rt yil burun, 2012 yilning fevralida Stromsund shahridagi uyi yaqinida otib ketilgandi. Tergov ildizi Turkiyadan topilgan yana bir o‘zbek killeri Ulug‘bek Aminov (Rossiya pasporti bo‘yicha Tigryan Kaplan) shaxsini fosh qilgan, Shved prokurori Peterson, bu ish o‘zbek rejimiga taalluqli ekanini bildirgan edi.

Eltuz.com