Nig‘matilla Yo‘ldoshev – O‘zbekistonning muvaqqat prezidentimi?

O‘zbekistonda qatag‘on yillarining qoralovchilaridan biri bo‘lgani iddao qilinadigan 54 yoshli Nig‘matulla Yo‘ldoshev shaxsi haqida matbuotda juda kam eshitganmiz.

Nig‘matilla Yo‘ldoshev 1962 yilning 5 noyabrida Toshkentda tug‘ilgan. Huquqshunos, prokuratura idoralarida ishlagan. 2015 yilning fevralida Oliy Majlis raisi etib tayinlangan.

90-yillarda prokuratura tergovchisi bo‘lgan, keyinchalik O‘zbekiston Respublikasi Bosh prokuraturasida prokuror, 2003-2006 yillarda O‘zbekiston Respublikasi Prezidentining Huquqni muhofaza qiluvchisi lavozimida ishlagan.

2006-2008 yillarda O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti boshlig‘i, 2008-2011 yillarda O‘zbekiston Respublikasi Bosh prokurorining o‘rinbosari lavozimida faoliyat yuritgan.

2011 yili Nig‘matilla Yo‘ldoshev O‘zbekiston Respublikasi Adliya vaziri etib tayinlangan.

O‘zbekiston Konstitutsiyaning 96-moddasiga ko‘ra Karimov vafotidan so‘ng prezidentlik vazifasi vaqtincha senat raisi zammasiga o‘tadi. Shundan so‘ng uch oy ichida «O‘zbekiston Respublikasi Prezidenti saylovi to‘g‘risida»gi Qonunga muvofiq Prezident saylovi o‘tkazilishi kerak.

Biroq, tag‘in manbalarga ko‘ra, Islom Karimov og‘ir ahvolga tushgani (yoki o‘lgani) aytilgan 29 avgust kuni Nig‘matilla Yo‘ldoshev ishtirokida yig‘ilish o‘tkazilgan, ammo bu yig‘ilishda Yo‘ldoshevning “Vaqtincha rahbar bo‘lish masalasi kun tartibi”ga qo‘yilmagan.

Hukumat nashrlari esa bugungi kunda faqat Karimov motami mavzuidagi maqolalar bilan to‘lmoqda. Rasmiylar tomonidan na prezident lavozimini o‘tovchi shaxs, na uch oy ichida o‘tkazilishi kerak bo‘lgan prezedent saylovi haqida hali hech qanday ma'lumot bildirilgani yo‘q.

Eltuz.com