«Qishloq hayoti»da paxtaga o‘rin yo‘q

Bugun qishloqda eng muhim ish paxta yig‘im-terimi bo‘lib turibdi. Hokimiyat vakillari paxta bu siyosat ekanini aytib, o‘qituvchi va shifokorlarni, talabalarni, hatto homilador va yosh bolali ayollarni ham dalaga quvgan.

Eng e'tiborlisi, o‘z nomi bilan qishloqlardagi, qishloq xo‘jaligidagi eng dolzarb mavzularni yoritadigan «Qishloq hayoti» gazetasida (24.09) paxta to‘g‘risida bir og‘iz gapni uchratmaysiz.

Ammo unda saylovga oid bir ahamiyatli ma'lumot bor. O‘zAdan ko‘chirib bosilgan ushbu maqolada aytilishicha, prezident saylovini o‘tkazuvchi okrug saylov komissiyalari a'zolarining 56,6 foizi «avvalgi saylovlarda tajriba to‘plagan, jamiyatimizning obro‘li vakillaridir».

Demokratik dunyo O‘zbekistonda avval o‘tkazilgan saylovning birortasi ham halol, oshkora kurashlar ostida o‘tmaganini bildirib keladi.

Demak, bo‘lajak prezident saylovi ham yana o‘sha nohalol, nodemokratik saylovlarni tashkil etgan labbaychilar nazoratida o‘tadimi?

Eltuz.com