Sahnalashtirilmagan hayot reportaji

Shu yilning 11 dekabrida reportaj fotografi sifatida dunyoga tanilgan fotojurnalist Yuriy Abramochkin 80 yoshga to‘ladi.

Uning axborotlarga bo‘lgan rasmiy pozitsiyasi hamisha “Hech narsa yuz bermayapti” degan iborada aks etdi, biroq ayni sharoitda ham Yuriy Abramochkin haqiqiy fotomuxbir bo‘lib qola bildi.

U ko‘plab siyosiy arboblar, taniqli artistlar, adiblar va boshqa mashhur shaxslar suratini olgan. Ular orasida sakkiz nafar SSSR raxbari, to‘rt nafar amerika prezidenti, Yosir Arofat, Yelizavetta Ikkinchi, Fidel Kastro, Margaret Tetcher va boshqalar bor.

Biroq Yuriy Abramochkin, o‘z ijodida oddiy odamlar aks etgan suratlarini muhimroq deya hisoblaydi va u birinchilardan bo‘lib sovet fotografiya reportaji sohasiga sahnalashtirilmagan turmush manzaralarni olib kirgan shaxslardan biridir.

Bu tasvirlarning ko‘pi bugungi kunda sovet fotografiyasi klassikasiga aylandi. Bu esa to‘la ma'noda Yuriy Abramochkinning reportaj suratlarini olishga bo‘lgan ijodiy yondoshuvi samarasi edi.

“Shaxsni kashf qilish uchun, muloqot zarur. Men turli usullardan foydalanaman. Masalan, agar odam o‘zini juda aqlli sanasa, men go‘l bir odamga aylanaman. Unda menga bilim berish ishtiyoqini paydo qilish uchun, eng ahmoqona savollar beraman. Keyin esa u “aqlim kirib qolgani”ni ko‘rib hursand bo‘ladi.

Bu insoniy komediya deb ataladi. Odam bilan so‘zlashishni qanday boshlasang, u ham sen bilan shunday gaplashadi. Shaxsning o‘zini himoya qilishiga olib keladigan harakat qilmaslik kerak. Kamera ushlagan odamdan hadiksirashlari mumkin va hamisha odobga rioya etish joiz. Insonni tasvirga olarkan, u haqda va uning shug‘ullanadigan ishi haqida ko‘proq bilib olaman, shu yo‘l bilan unga yo‘l topaman” deya yozadi Yuriy Abramochkin o‘z ijodiy yo‘li haqida.

Fotosuratlar Yuriy Abramochkinning xos vebsahifasidan olindi: http://abramochkin.telemark-it.ru

Akmal Rizaev
O‘zbekistonlik muallif tahallusi
Eltuz.com