Gulnora Karimovani Ozodbek Nazarbekov qamatganmi?

26 minut davom etgan BBS o‘zbek xizmati muxbiri Ibrat Cafo bilan suhbati chog‘ida kichik Islom Karimov shuningdek onasi Gulnora Karimova, uning atrofidagi shaxslar va uning qarindoshlariga oid ayrim sir sinoatlarni fosh etadi.

Unga ko‘ra, Gulnoraga qo‘yilgan ayblovlardan biri uning xonanda Ozodbek Nazarbekovdan go‘yoki 20 ming dollar tovlamachilik qilgani bo‘lgan.

«Bu kulguli. Yirik miqdordagi ishlarga aralashgan odam qanday qilib bunday kichik pulni talab qilsin? Yo unisi yo bunisi bo‘lishi kerak. Agar oyim shuncha katta pullar olgan bo‘lsa, u Ozodbek Nazarbekovdan ham so‘rab o‘zini shu holga soladimi?», deydi u.

Gulnora Karimovaning «zaharlanib o‘ldirilganligidan» tortib, to shu kunlarda «ilk bor jamoat oldida bayonot bilan chiqishi»ga qadar xabarlar va ovozalarga ilk bor oydinlik kiritarkan Karimovning nabirasi oyisi nomidan ochilgan feyk akkauntlarga doir mish-mishlarni ham, jumladan 30-noyabr kuni go‘yo uning xalq oldiga chiqishi haqidagi gaplarni ham rad etadi.

«Hozir ham uyda saqlanyapti. Yahyo G‘ulomov ko‘chasidagi uyida uni hibs boshidanoq ushlab turishibdi. U xorijga uchib ketgani yoki shahar bo‘ylab yurgani haqidagi mishmishlar yolg‘on» deydi u.

Gulnoraning «How Dare» (Bu ne jur'at?) deya atalgan klipi, go‘yo uning bugun kechirayotgan kunlari aksi kabi…