Xyuman Rayts Votch Mirziyoevga real muammolar ro‘yxatini jo‘natdi

9 dekabr kuni Xyuman Rayts Votch huquq himoyasi tashkiloti Shavkat Mirziyoev nomiga O‘zbekistonda abgor holatda qolayotgan inson huquqlari ahvolini yaxshilashga qaratilgan aniq qadamlarni tashlash chaqirig‘i bitilgan maktubni yo‘lladi.

«O‘z saylovoldi kampaniyasi mobaynida Mirziyoev hukumatning mamlakat fuqarolari oldidagi mas'uliyatini oshirish zarurati haqida gapirdi. Bugun uning O‘zbekiston tarixida yangi bobni boshlash imkoni paydo bo‘ldi, biroq u o‘z prezidentligi davrida, saylovoldi va'dalari shunchaki berilmaganini isbotlashi uchun, o‘tmishdagi va bugun davom etayotgan inson huquqlarining buzilishi hollari bilan shug‘ullanishi lozim»,- deyiladi Xyuman Rayts Votch matbuot xabarida.

Huquq himoya tashkiloti, mamlakatdagi inson huquqlari ahvolini amalda yaxshilash uchun Mirziyoevga quyidagi qadamlarni qo‘yishni taklif etadi:
Siyosiy mahkumlarni ozod etish, BMT huquq himoya institutlari bilan hamkorlik qilish, qiynoqlarni to‘xtatish, OAVga qo‘yilgan cheklovlarni olib tashlash, nohukumat tashkilotlarining davlat aralashuvisiz ishlashiga imkoniyat yaratish, din erkinligini kafolatlash, shuningdek «ekstremizm» kabi mavhum ayblovlar bilan qamalganlarni ozod etish, jinsiy va seksual mansublik alomatlariga ko‘ra diskriminatsiyani to‘xtatish, majburiy mehnatni taqiqlash va nihoyat andijon voqealari yuzasidan mustaqil surishtirish o‘tkazilishiga izn berish.

Ayrim sharhlovchilar, saylangan prezident iqtisodiyotni yaxshilash uchun qaysidir o‘zgarishlarni qilishi mumkinligini, biro Mirziyoevdan matbuot erkinligi, kuchli parlament yoki mustaqil OAVlarning paydo bo‘lishiga olib keladigan siyosiy islohotlarni kutmaslik kerakligini ta'kidlamoqda.

Eltuz.com