Avliyo Lukaning bashorati

Lukashenkoning yaqin kelajakda «O‘zbekiston ham g‘alaënga sahna bo‘lishi» haqidagi gapini ikki xil talqin qilsa bo‘ladi: Birinchi talqin – «Luka O‘zbekistonni ODKB (KXShT)ga kiritish uchun bosim qilyapti.» Ikkinchi talqin esa – «Haqiqatdan ham shunday tahlika mavjud».

Demak, Qozog‘istondagi muammolardan biri – «bir hovuch boylarning yaxshi yashab, aksar aholining qiyinchilikka mubtalo bo‘lishi» edi. Ya'ni, mamlakat boyligining aksari bitta oila mansub bo‘lgan Shaprashti urug‘ining 200 a'zosi qo‘lida bo‘lganidir. Bu muammo O‘zbekistonda bormi ëki yo‘q?

Ikkinchi muammo – Elbasi Nazarboev kuëvlarining hashamatga o‘chligi¸ ochko‘zligi va reyderlari bilan bog‘liq. Bu muammo O‘zbekistonda bormi ëki yo‘qmi?

Uchinchi muammo – qattiq sovuqda gaz qimmatlashi va energiya bilan bog‘liq muammo. Bu muammo O‘zbekistonda bormi ëki yo‘q?

To‘rtinchi muammo – boshqaruv tizimlaridagi oshkora o‘g‘irlik¸ korruptsiya¸ tendersiz buyurtmalar va huquqiy nigilzm. Bu muammo O‘zbekistonda bormi ëki yo‘qmi?

Beshinchi muammo – esa aynan O‘zbekistonda mavjud bo‘lib, bu barcha sanalgan boshqa muammolarni portlatadigan detonator vazifasini bajarishi mumkin. Bu ehtimoliy falokat O‘zbekistonning o‘zidagi taym bombadir. Bu – vahobiylik, salafiylik, Hizb ut-Tahrir kabi ekstremistik oqimlarga ortiqcha moyillik, IShID va Tolibonga nisbatan o‘zbeklarning oshkora ehtirosli muhabbati, takfirchilik. (Tolibon g‘alabasini oshkora qutlash, Suriyaga seks jihodga keltgan minglab aëllar, Misr va Turkiyada vahobiylik markazlarida o‘qitilaëtgan bolalar va hokazo)

Gapning ochig‘i, peshanamiz sho‘rligi aniq.