Istanbulda bir o‘zbek ikkinchisini otib qo‘ydi

Joriy yilning 9 aprel kuni Istanbul viloyati Fotih tumanida vaqtinchalik ishlash uchun kelgan o‘zbekistonlik ikki nafar fuqaro Instagram tarmog‘iga to‘pponcha bilan video olib joylamoqchi bo‘lgan.

22 yoshli S. Gebbarov honadoshi va o‘rtog‘i U. Rahmatilloev tomonidan otib qo‘yilgan.

S. Gebbarov bosh qismiga olingan o‘q natijasida o‘sha yerda vafot etgan. U. Rahmatilloev esa mahalliy politsiya tomonidan ushlangan.

U. Rahmatilloevning ko‘rsatmasiga ko‘ra, ikki o‘rtoq arafa kuni birgalikda iftor qilib, gaplashib o‘tirishgan.

S. Gebbarov to‘pponcha bilan video olmoqchi bo‘lgan.

U. Rahmatilloev to‘pponchani o‘qsiz deb o‘ylab bilmasdan otib qo‘ygan.

Vafot etgan vatandoshimizning jasadini mamlakatimizga yuborish bo‘yicha ishlar olib borilmoqda, deya xabar berdi Turkiyadagi konsulxonasi.