Jahon tillari rektori hammani yoppasiga forma tiktirishga majburlamoqda

Oxirgi paytlar O‘zbekiston Davlat jahon tillari universiteti talabalarining arzlari kanalingizda tez-tez ko‘zga chalinyapti. Hal bo‘lyaptimi-yo‘qmi, bizga qorong‘u.

Ammo bugun nafaqat talabalar, balki o‘qituvchilar nomidan ham murojaatimiz bor. Bu universitetda faqat talabalar emas, balki o‘qituvchi va hatto katta yoshdagi professorlar ham aziyat chekishmoqda.

Aslida istalgan dargohga yangi rahbar kelsa, o‘zining yangi qonun-qoidalari bilan qaytadan Amerika ochmoqchi bo‘lishi hech kimga sir emas.

Bizga ham yangi rektor Ilhomjon Tuxtasinov keldiyu, halovatimiz yo‘qoldi. Agarda o‘qituvchi yoki talabaning bilimi tekshiruvdan o‘tkazilsa, hech qanday e'tirozimiz yo‘q.

Ammo oliygohda ta'lim sifatiga e'tibor berishdan boshqa hamma narsa markazda turadi. Keraksiz yig‘ilishlar, tadbirlar o‘z yo‘liga, endi forma masalasi chiqdi.