Yumurto xonadagi tortishma haqida 

Zelenskiy va Trampning yumurto xonadagi tortishuvlari haqida tarmoqning o‘zbek segmentida ëzilgan bitiklarga ko‘zim tushdi. Bu ëzuvlarda Zelenskiy «odob doirasidan chiqdi», «yaxshilab egilmadi», » Maysadan past, suvdan tinch bo‘la olmadi», «tilëg‘malik qilib patinka o‘pganida amerika poshshosi balki boshini silardi» degan gaplarni o‘qidim. Buning ëniga dono o‘zbeklar  «Lo‘lining eshagini sug‘or pulini ol», «Otangni o‘ldirganga onangni ber», «Egilgan boshni qilich kesmas», «Zo‘rni ko‘rganda ko‘tni qisish kerak», «Kunim uchun kundoshimning bolasiga alla aytaman» degan ashincha ujas maqollarniyam qalashtirib tashlashdi. 

Bu kallavaram, otasi ham, bobosi ham, bobosining bobosi ham qul bo‘lgan umurtqasi siniqlar falsafasi. 

Tramp bilan Zelenskiy va anavi vitse urod o‘rtasidagi suhbatni diqqat bilan ko‘rib chiqdim. 

Suhbatning ilk chorak qismida Zelenskiy eng sara diplomatlar kabi tavozee, hurmat va yumurto xonaga xos takalluf bilan gapirdi. Tramp g‘irt ëlg‘on bitta raqamni osmondan olib «AQSh sen uchun 350 milliard xarjladi» deganida ham hurmatini qilib jim turdi. 

Zelenskiy bir davlat boshlig‘i o‘laroq bir savol so‘radi. «Amerika o‘rtakashligi ortidan bosqinchi Putin urushni to‘xtatishi va Ukraina xavfsiz bo‘lishiga garantiya bormi?»

Normal savol.

Yumurto uydagi sariq tujjor esa «garantiya yo‘q» dedi.

Demak, Ukraina osmondan olingan 350 milliard evaziga yer osti boyliklarini berishi va buning evaziga teshikkulchaning teshigini olishi kerakmi?

Ukraina AQSh timsolida o‘z ittifoqchisini  28 fevral kuni emas, balki 20 yanvar kuni anavi sariq tujjor AQSh prezidenti qilib saylangan kuni yo‘qotdi.

Bu yo‘qotish fonida Yevropa Ittifoqi Ukraina mustaqilligi dav'osida jipslashaëtgani ham ko‘rindi.

O‘yindan kimdir chiqar ekan, albatta kimdir kiradi.

28 fevral kuni bosqinchi Putin taviyalari Ukrainadagi kasalxonani bo‘mbaladi. O‘nlab odamlar o‘ldi. Bu odamlar qonidda Trampning ham xissasi bor.

Rassom Tuz sahifasidan