Ukraina mudofaasi uchun Belgiya 1 milliard yevro ajratdi

Belgiya Ukraina uchun keng ko‘lamli yordam paketini e'lon qildi.

Belgiya Bosh vaziri Bart De Vever Ukrainaga 1 milliard yevrolik mudofaa yordami paketini taqdim etishini aytdi.

Bundan tashqari, uning mamlakati mudofaa ehtiyojlari uchun har yili Ukrainaga bir milliard yevro ajratadi.

Bundan bir hafta avval Eltuz Shvetsiya Kievga bir yarim milliard yevrodan ortiq miqdorda harbiy yordam ajratgani haqida xabar bergan edi. Eslatib o‘tamiz, Ukraina armiyasi uchun qurol aslaha sotib olish ko‘zlangan bu yordam skandinaviya mamlakatining birinchi va so‘nggi yordami emas. 

Yevropa davlatlarining Ukrainaga harbiy yordamlari AQSh prezidenti Trampning Ukraina va Yevropaga qarshi moliyaviy shantajlari fonida kechmoqda. Uning Rossiya prezidenti bilan olib borayotgan tilyog‘lama kelishuvlari va boj imtiyozlari hech qanday samara bergani yo‘q.