Muhtaram akademik Ne'matulla Ibrohimovga tabrik!

Bugun yurtimizdagi ilmiy jamoatchilik uchun katta to‘y — buyuk sharqshunos, akademik, qomusiy olim, ma'naviyat fidoyisi Ne'matulla Ibrohimovning 80 yoshga to‘lgan qutlug‘ sanasi.

Eltuz tahririyati nomidan Sizni chin qalbimizdan samimiy tabriklaymiz!

Siz o‘z umringizni ilm-fanga, ma'rifatga va inson tarbiyasiga bag‘ishlagan ulug‘ ustozsiz. Sizning sharqshunoslik sohasiga qo‘shgan ulkan hissangiz, yurtimiz ilm-ma'rifat rivojida beqiyos o‘rin tutadi. Ilmiy izlanishlaringiz, kitob va tadqiqotlaringiz kelajak avlodlar uchun ham mustahkam ilmiy poydevor bo‘lib xizmat qilmoqda.

Toshkentdagi Sharqshunoslik instituti rahbari sifatidagi faoliyatingiz davrida minglab shogirdlar yetishib chiqdi, yurtimizda ma'naviy tiklanish va ilm tarqalishi yo‘lida beqiyos xizmat qildingiz.

Sizga sihat-salomatlik, tinch va fayzli hayot, yana ko‘plab ilmiy zafarlar tilaymiz.

Hurmat va e'tirof ila,

Eltuz tahririyati