Ayollar qamoqxonasi: inson qadri va qonunchilik

Bundan bir yil muqaddam — mustaqillikning 33 yillik tantanalariga bong urilganda prezident Shavkat Mirziyoev:

“Barcha islohotlarning ruhi va mazmuniga “Inson qadri uchun, el-yurt baxti uchun!” degan ezgu g‘oya chuqur kirib bormoqda”

– dedi.

Yangi O‘zbekistondan yangragan bu saslar o‘shanda Zangiotadagi ayollar koloniyasidan Jasliq vayronalariga qadar yetgan. Biz-ku ozodlikdamiz, harqalay, mahkum va mahkumalarga chandon umid baxsh etgan bu ilhombaxsh so‘zlar.

Zangiotadagi ayollar qamoqxonasida jazo muddatini o‘tayotgan andijonlik ta'lim muassasi xodimasi U.D. bizga yo‘llagan maktubida o‘shandan beri kitob o‘qishi, muassasaning madaniy oqartiruv ishlarida faolligi, tibbiy xizmatga muhtoj bo‘la turib, yetarlicha davo choralari ololmayotgani, manzil koloniyaga chiqish muddati kelganiga qaramay o‘ziga salbiy xulosa berilayotganini ta'kidlaydi.

Shikoyatni, hujjatlarni va hatto jinoyat ishini o‘rgandik, mahkuma allaqachon Prezident ilgari surayotgan “Inson qadri uchun, el-yurt baxti uchun!” degan ezgu kontseptsiya shafoatiga noi l bo‘lishi mumkin edi. Ammo unga shifoxonaning tibbiyot bo‘limi xodimlari: “Sen o‘lsang, narxig 72 ming so‘m” deya qog‘ozbozchilik xarajatlarini pisanda qilibdi. Ayol emasmi, bu «lutf»dan ruhan singani sobiq pedagogning ahvolini yomon deyishmoqda.

Zangiota tumanidagi ayollar koloniyasida saqlanayotgan mahkum ishi bilan jamyatimiz faoli Zarif Mirzaaxmedov shug‘ullanmoqda. Mahkumaning advokati Xurshida Nasretdinovaga ko‘ra, mahkumaning manzil koloniyaga chiqarilishi sun'iy ravishda cho‘zilmoqda. Jamiyatimiz O‘zbekiston Respublikasi IIV JIED ma'muriyatini qonunga rioya qilishga chaqiradi. 

O‘zbekiston inson huquqlari “Ezgulik” jamiyati matbuot xizmati