TOShKYeNT VILOYaTI BOShQARUV SYeRVIS KOMPANIYaLARI BOSIM OSTIDA

Toshkent viloyati uy-joy inspektsiyasi rahbari Dilmurod Rejamatov va bo‘lim boshlig‘i Doniyor Ahmedov BSK (boshqaruv servis kompaniyalari)dan o‘lpon puli talab qilib tadbirkorlarni siquvga olishmoqda.

Bu haqida Eltuzga Nurafshon, Olmaliq, Yangiyo‘l, Chirchiq shaharlari hamda Zangiota tumanidagi BSKlar rahbarlari ma'lum qilishdi.

«Bizni qo‘rqitishadi, inspektsiya rahbari har oy belgilangan summada pul talab qiladi. Pul bermaydigan korxonalarni tekshirib yopib yuboramiz deb tahdid qilishadi» deydi murojaatchilar.

Iddaolarga ko‘ra muqaddam tungi klub qorovuli bo‘lib ishlagan Doniyor Ahmedov tanish-bilish orqali o‘z lavozimiga erishgan.

«Doniyor Ahmedov o‘zi uy-joy inspektsiyasida boshliq edi. Har bir uy qurilishdan 5-10 ming dollar olardi. Foydalanishga topshirilgan uylar juda sifatsiz edi» deb iddao qiladi tizim vakillari.

2023 yilda Doniyor Ahmedov Oqqo‘rg‘on tumanida bir uyni noturar joy maqomiga o‘tkazish uchun o‘ziga yaqin Sarvar ismli xodimi orqali pul talab qilgan. O‘shanda pora olgan o‘rtakash xodim qo‘lga tushgan edi. Iddaolarga ko‘ra, o‘shanda Ahmedov xorijga qochib ketgan.

Doniyor Ahmedov inspektsiyaga qaytib kelib – yangi rahbar Dilmurod Rejamatov bilan birga eski o‘lpon tizimini yo‘lga qo‘ydi.

«Har bir kompaniya oyiga 200-300 dollardan pul berishi kerak bularga. Agar bermasak, jazo bilan po‘pisa qilishadi. Buni isbotlash kerak bo‘lsa, qo‘limizda rasm va boshqa dalillarimiz bor» deydi murojaatchilar.

Doniyor Ahmedov ham, Dilmurod Rejamatov ham davlat xodimlari. Ularning ustidan oddiy tadbirkor prokuraturaga arz qilsa, ish hech qachon adolatli hal bo‘lmaydi. Masala bosdi-bosdi qilinadi, ariza yozganlarni aybdorga chiqarishadi – tadbirkorlar aynan shunday stsenariy yuz berishiga amin.

Toshkent viloyati hokimi, viloyat prokuraturasi va boshqa mas'ul organlar uy-joy inspektsiyasi rahbarlarining faoliyatini jiddiy taftish qiladimi?

Gaz elektr muammosi va qing‘ir ko‘chalarning ta'mirsiz yo‘llari – EP149

Eltuzga yo‘llangan co‘nggi 5 ta maktub O‘zbekistonning Toshkent, Andijon, Buxoro va Qashqadaryo viloyatlaridan kelgan. Xatlar oqimi hamon davom etmoqda, muammolar echimini ta'minlash, shuningdek kanalimizning alohida sahifasiga kirib privatga o‘tkazilgan videolarni ko‘rish uchun Eltuz kanaliga obuna bo‘lish, layk bosishkanalni qo‘llab quvvatlash tavsiya qilinadi va biz xatlarni o‘qishda davom etamiz. Dastlabki videomurojaat Toshkent viloyatining Chinoz shahridan. Shahar markazi chiqindizorga aylantirilmoqda. +++ ...