Buzilayotgan tabiiy muhit, yer va suv muammosi 

Eltuzga kelayotgan xatlarni o‘qishda davom etamiz. Navbatdagi beshta xat O‘zbekistonning Toshkent, Farg‘ona, Buxoro va Jizzax viloyatlaridan kelgan. Dastlabki maktub Toshkent shahrining Qibray tumanidan. Bobur mahallasi Universitet ko‘chasida istiqomat qiluvchi aholi nomidan murojaat qilgan Eltuz obunachisi chiqindilar vaqtida olib ketilmayotganidan shikoyat qilmoqda.

Bugun e'tiboringizga taqdim etmoqchi bo‘layotganimiz ikkinchi xat esa Farg‘ona viloyatidan. Qo‘qon shahrining Soybo‘yi ko‘chasida yashovchi aholi sug‘orish arig‘iga egalik qilayotgan fermerlar undan shaharning meliorativ, ekologik va sanitariya talablariga rioya qilmasdan foydalanishayotgnini bildirishmoqda. 

Navbatdagi uchinchi maktub Buxoro viloyatidan. Qorako‘llik fuqaro uy joyini ta'mirlashda amaliy yordam so‘rab qilgan murojaatlari foydasiz bo‘layotganini iddao qilmoqda.

Keyingi maktub esa Jizzaxdan. Fuqarolarning e'tiborsizligi tufayli suv isrof bo‘lmoqda.

Keyingi maktub ham Jizzax viloyatidan. Zominning Beshkubi qishlog‘i fuqarolari ikkita hamqishlog‘i ustidan arz qilib, ularning yerlarga noqonuniy egalik qilishayotgani, buzib rasvo holga keltirishayotganini iddao qilishmoqda.

Albatta yuqorida keltirilgan xat mualliflari aytganidek, mamlakatning yer va suv resurslariga egalik qilish, shusiz ham ayanch bir holga kelib qolgan O‘zbekistonning ekologik muhitmni buzish huquqiga ega bo‘lish degani emas. Buning uchun mamlakat qonunchiligida tegishli jazo belgilangan.    

Biroq yana bir bor eslatib o‘tamiz, Eltuzga kelayotgan xatlarda aks etgan iddaolar ularning mualliflariga tegishlidir. Eltuz portali telegramda aloxida bot shaklida ochilgan, siz xam u yerga uz shikoyatlaringizni, etirozlaringizni yuborishingiz mumkin. Video yuzasidan izoxlar koldiring, layk bosing, kanalimizga obuna bo‘ling.