Ruslan Davletov o‘z xodimining poraxo‘rligidan bexabar bo‘lganmi?

Ruslan Davletov Adliya vaziri ekan qo‘li ostidagi xodimning pora olganini bilaturib, uning ishishini prokuraturaga oshirmagani haqidagi post Eltuzda nashr qilingach, Adliya vazirligi matbuot xizmatining sobiq xodimi Zafar Rahmonov sobiq vazir himoyasiga chiqdi.
Hozirda Vazirlik qoshidagi Yuristlar malakasini oshirish markazida ishlashini aytgan Zafar Rahmonovning iddao qilishicha, sobiq Adliya vaziri Ruslan Davletov o‘z xodimi, Navoiy viloyati Davlat xizmatlari agentligi boshqarma boshlig‘i Bahodir Toshevning G‘iyos Nuritdinovdan pora olganidan bexabar bo‘lgan.
Zafar Rahmonov sobiq vazirning G‘iyos Nuritdinov bilan uchrashganini tasdiqladi, ammo undan audio yoki video tasvirlar olmaganini aytdi.
Quyida Zafar Rahmonovning Eltuzga yo‘llagan maktubini hech qanday tahrirsiz taqdim etamiz:
Zafar Rahimov:
«Telegram Eltuz kanalida shu material chiqibdi, lekin bu haqiqatga to‘g‘ri kelmaydigan joylari ham bor og‘a. Sizga qanaqa malumotlar borganini bilmadiku asli voqea bunday bo‘lgan:
Sobiq Navoiy davlat xizmatlari boshlig‘i Bahodir Toshev va G‘ies Nuriddin o‘zar biznes hamkorlik qilgan (parnik biznesi).
Keyin o‘rtada o‘zaro kelishmovchilik kelib chiqqan. O‘sha vaqtda Bahodir Toshev davlat xizmatlari xodimlarini o‘sha parnikda ishlatgan.
Keyin G‘ies Nuriddinov bundan xabar topgach, o‘sha vaqtda adliya vaziri bo‘lgan Ruslanbek Davletov qabuliga kirgan.
Davletov bu voqeani bilgach, rost ekanligi tasdiqlangach, Bahodir Toshevni lavozimidan ozod qilgan.
G‘ies Nuriddinov Davletov qabuliga kirganda korruptsiya yoki poraxo‘rlik bo‘yicha hech narsa aytmagan ham, hech qanday audio yoki videoezuv ham taqdim qilmagan.
O‘zingiz juda yaxshi bilasiz Davletov korruptsiyani yo‘qotish bo‘yicha tizimda ancha ishlarni qildi.
Agar Baxodir Toshev poraxurlik qilgan bo‘lganda bu ish aniq tegishli organda tergov qilinardi.
Shu uchun Davletovga tuhmat qilinaetgan malumotlar o‘z tasdig‘ini topmaganligi sababli bir to‘liq urganishingizni Sizdan iltimos qilamiz og‘a.
O‘zi bersa ham bo‘lardi prokuraturaga, hech kim taqiqlamagan.»

@eltuz2022 Eltuz jamoasi surishtiruvida qatnashgan, bir-biridan mustaqil bir necha manba Toshev Bahodir bo‘yicha postimizda keltirilgan korruptsiyaviy holatni tasdiqlashdi.
Rustam Davletov sobiq xodimining uni qo‘llab-quvvatlashini ham tushunamiz.
Kimam o‘zi qilgan xatoni tan olgisi keladi?
Bizning maqsadimiz: kimnidir yomon otliqqa chiqarish, kimnidir mansabidan ketkazish yoki kimgadir shaxsiy adovatda bo‘lish emas, biz xalqimizga oyning qorong‘u tomonini yoritmoqdamiz, xolos. Xulosa qilish o‘zingizdan. Izoh sizdan. Kanalimizga obuna bo‘ling. Layk bosing!

@eltuz