Jizzaxda bola hojatxona chuquriga tushib ketdi

4 sentyabr kuni soat 16:07 da Baxmal tumani, «Qutlug‘obod» MFY Yo‘ldoshboy qishlog‘ida yashovchi yosh bola ehtiyotsizlik oqibatida hojatxona chuquriga tushib ketdi. 

O‘sha vaqtda bolaning yonida hech kim bo‘lmagan. U yonida bo‘lgan mobil telefoni orqali «112» qisqa raqamiga qo‘ng‘iroq qilgan va manzilni tushuntirdi.  

Voqea joyiga yetib borgan Baxmal tumani FVB qutqaruvchilari tezkorlik bilan bolani hojatxona chuquridan xavfsiz olib chiqishdi. Hozirda bolaning ahvoli yaxshi. 

Teshigi katta hojatxonalardan ehtiyot bo‘ling.