“O‘zbekiston temir yo‘llari” o‘zbek lotin yozuviga o‘tdi

Kuni kecha imzolangan “Davlat tilini rivojlantirishga oid qo‘shimcha chora-tadbirlar to‘g‘risida”gi Prezident qarori ortidan “O‘zbekiston temir yo‘llari” AJ tizimidagi hujjatlar, jadvallar va biletlar o‘zbek lotin ëzuvida yozilishiga kirishildi. Bu qaror davlat tilining jamiyatdagi o‘rnini mustahkamlash va rasmiy sohalarda uning to‘liq qo‘llanilishini ta'minlash yo‘lidagi muhim qadam sifatida baholanmoqda.

“Davlat tilini rivojlantirishga oid qo‘shimcha chora-tadbirlar to‘g‘risida”gi Prezident qarori O‘zbekistonda davlat tili – o‘zbek tilining jamiyat hayotidagi barcha sohalarda to‘laqonli tatbiq etilishini ta'minlashga qaratilgan keng qamrovli chora-tadbirlarni o‘z ichiga oladi. Ushbu hujjat davlat idoralari va tashkilotlarini o‘z ish faoliyatida, ayniqsa, hujjat almashinuvi, axborot tashuvchi vositalar va aholiga xizmat ko‘rsatish jarayonlarida davlat tilining lotin alifbosidagi variantidan faol foydalanishga undaydi.

Temir yo‘l sohasidagi hujjatlar, poezdlar jadvallari, stantsiyalar nomlari va eng muhimi – yo‘lovchilar uchun chiqariladigan biletlarning lotin ëzuvida bo‘lishi, millionlab fuqarolarning kundalik hayotiga to‘g‘ridan-to‘g‘ri ta'sir ko‘rsatadi. Bu holat, avvalambor, aholining aksariyat qismi uchun qulaylik yaratadi, shuningdek, o‘zbek lotin alifbosining rasmiy muomaladagi maqomini yanada mustahkamlaydi.

AJ tizimidagi mazkur o‘zgarishlar nafaqat lingvistik, balki ma'naviy-ma'rifiy ahamiyatga ham egadir. Davlat tilining to‘liq tatbiqi – milliy o‘ziga xoslikni saqlash va rivojlantirishning muhim shartidir.

“O‘zbekiston temir yo‘llari” AJ tomonidan boshlangan hujjatlarni lotin ëzuviga o‘tkazish jarayoni Prezident qarori ijrosining aniq va amaliy ifodasi bo‘lib, boshqa davlat va xo‘jalik boshqaruvi organlari uchun namuna bo‘lishi lozim. Bu tashabbus O‘zbekistonda davlat tilining to‘laqonli rivojlanishi va jamiyat hayotining barcha jabhalarida uning o‘rni mustahkamlanishiga xizmat qiladi. Ushbu qadam mamlakatning o‘z milliy qadriyatlari va tilini ulug‘lash yo‘lidagi izchil siyosatining yana bir dalilidir.