Pokiston mudofaa vaziri toliblarni «g‘orlarga qaytarishi»ni bildirdi

Afg‘oniston bilan Istanbuldagi muvaffaqiyatsiz tinchlik muzokaralaridan so‘ng, Pokiston mudofaa vaziri Xoja Asif Islomobod «Tolibon rejimini butunlay yo‘q qilishga va ularni yana g‘orlarga qaytarishga» tayyorligini bildirdi.

Pokiston rasmiylari Qobulni muzokaralarning barbod bo‘lishida «tinchlikdan qochish va aybni boshqaga ag‘darishda» aybladi.

Pokiston hududidagi qator hujumlardan sabab Islomobod Afg‘onistondan harakat qilayotgan jangarilarni ayblaganidan so‘ng, ikki davlat o‘rtasidagi keskinlik keskin oshgan.