Paxta terimi tugadi – to‘lovdan darak yo‘q

Andijonda terimchi ayollar bir oydan buyon paxta pulini ololmayapti. Klasterning fermerlardan milliardlab qarzi borligi aytilmoqda.

«Daryo» nashrining ma'lum qilishicha, Marhamat tumanida yashovchi bir guruh terimchi ayollar paxta pulini ololmayotgani yuzasidan nashrga murojaat qilgan.

Ayollarning ta'kidlashlaricha, oktyabr oyi boshidan beri tergan paxtalari uchun pul berilmagan. Fermer xo‘jaligi rahbariga bir necha marta qilingan shikoyatlar befoyda bo‘ldi. U «Qaerga murojaat qilsangizlar ham qiliveringlar, menga klaster pul bermayapti», deb javob qaytargan.

Aksariyat klasterlar fermerning haqqini oylab hatto yillab kechiktirib to‘laydi. Hokimlik fermerga hosil talabi bilan bosim qiladi, klasterlar hosil pulini to‘lamay sarg‘aytiradi. Yangi O‘zbekiston fermerlar uchun Sarsonistonga aylandi.