Buvaydada zamhokim ekoinspektorni kaltakladi

Farg‘onaning Buvayda tumanida hokimlikning katta mansabdori ekoinspektorga qo‘l ko‘tardi. 

Aholi shikaoyatidan keyin joyiga yetib borgan Ekologiya qo‘mitasi inspektori Axrorjon Niyozov noqonuniy daraxt kesilayotganini ko‘rib, jarayonni to‘xtatish va hujjatlashtirishga uringan.

Lekin tuman hokimi o‘rinbosari Saidali Xidirovga bu yoqmadi. Guvohlarning aytishicha, u inspektorga bosim o‘tkazib, hatto kaltaklagan. 

Keyin Milliy gvardiya xodimlari ham jalb qilinib, Niyozov kuch ishlatilgan holda tuman IIBga olib ketilgan.

Qonuniy talabini aytgan inspektorga nisbatan zo‘ravonlik sodir etilgani aytilayapti. Bu holat aholi, ekologlar va huquqshunoslarda keskin norozilik uyg‘otdi.