Toshkentda ayfon kontrabandasi

Toshkent aeroportida huquq-tartibot idoralari xodimlari Iphone telefonlarning oxirgi modellarini noqonuniy olib kirishga urinishning oldni olishdi.

Dubaylik yo‘lovchining qo‘l yukini ko‘zdan kechirish chog‘ida bojxonachilar  iPhone 17 Pro (8 dona) va  iPhone 17 Pro Max (87 dona) topgan. Smartfonlarning barchasi yangi.  95 ta mobil qurilmaning barchasi ashyoviy dalil sifatida olib qo‘yildi va vaqtincha saqlash uchun joylashtirildi. 

Hisob-kitoblarga ko‘ra, ularning dastlabki qiymati 1 mlrd 913 mln so‘mni tashkil etdi. Mazkur holat yuzasidan bojxona organlari tomonidan surishtiruv ishlari olib borilmoqda.

Yana shunday holat Toshkent aeroportida 19 noyabr kuni ham sodir bo‘lgan.  iPhone furushlar Dubaydan dam olishdan kelayotgan uchoqda tanishgan hojionlarga 3 tadan telefon berib, sovg‘a uchun olganini aytishini aytib o‘tkazib berish operatsiyasini o‘tkazgan. Jami 3 ta telefoni bo‘lgan iPhone furushning operatsiyasi ish bermasdan telefonlari ham musodara bo‘lib ketgan edi.