Maktab hududida issiqxona

Farg‘ona vilyati, Dang‘ara tumanidagi 18 maktab basseyni buzilib, shu hovuz va hatto yugurush yo‘lakchasi ham bir tadbirkorga issiqxona qurish uchun berib yuborildi. Bu haqida maktab jamoasi xabar bermoqda. 

Bo‘lg‘usi issiqxona egasi bilan maktab ma'muriyati o‘rtasida ikki tomonlama shartnoma ham bor. Aftidan, direktor «xo‘jalik ishlari bo‘yicha daromad qilish» degandek biror talabni shu yo‘l bilan bajarmoqchi.

«Basseynni buzgan militsiya xodimiga avvalroq do‘kon va yemakxona qurish uchun ham  yer berilgan. Endi mana basseynga navbat keldi» – deydi o‘qituvchilar.

Tuman prokurori Akmalxon Boboxonov, viloyat ta'lim boshqarmasi, maktab yerlarini qaytarish chorasini ko‘ring.