Dehqonoboddagi o‘rmonda daraxtlar noqonuniy kesilmoqda

Qashqadaryo viloyati Dehqonobod tumanidagi o‘rmon xo‘jaligi hududida daraxtlar ommaviy ravishda kesib tashlanmoqda. Mahalliy aholi aytishicha, Boshchorbog‘ o‘rmon bo‘limi mas'ullari bu holatga bevosita aloqador bo‘lishi mumkin.

Fuqarolar ichki ishlar organlariga murojaat qilganida kutilmagan holat yuz bergan. Ma'lumotlarga ko‘ra, Dehqonobod tumani IIB boshlig‘i shikoyat qilganlarni chaqirib, qamash bilan qo‘rqitmoqda.

Aholi “Nahotki Dehqonoboddagi bu ochiq qonunbuzarlikka hech kim e'tibor qaratmasa?” deya norozilik bildirmoqda. Ijtimoiy tarmoqlarda bu masalani ko‘tarishga uringanlar ham IIB tomonidan tahdidlarga uchrayotganini ma'lum qilinmoqda.

Mahalliy fuqarolar mas'ul idoralardan bu holatga rasmiy ravishda munosabat bildirish va o‘rmonlarning noqonuniy kesilishi yuzasidan shaffof tekshiruv o‘tkazilishini so‘ramoqda.