Chet ellik investor O‘zbekistonga giyohvand modda olib kirdi

Chet ellik investor Qurilish materiallari savdosi bahonasida o‘zbekistonlik hamkorlari bilan kelishib mamlakat hududiga narkotik moddalar olib kirishga urindi. Ular ushbu hamkorlikni birinchi marotaba qilishmagan. Hamkorlik tajribasi bo‘lgan. 

Samarqand viloyatida huquq–tartibot idoralari xodimlari tomonidan marmar plitalar orasiga yashirilgan 37 kilodan ortiq giyohvandlik moddalari aniqland. 

Tadbir davomida 1992 yilda tug‘ilgan chet el fuqarosi shuningdek, Samarqand viloyatida yashovchi 1981 va 1995 yillarda tug‘ilgan uch nafar O‘zbekiston fuqarolari qo‘lga olindi. 

Xorijlik «tadbirkor» giyohvand moddalarni marmar plitalar orasiga yashirib, mamlakat hududiga olib kirgan, mahalliy sheriklar esa ushbu giyohvand moddalarni sotib berishgan.

Olib borilgan tezkor tadbirlar davomida jami 37 kilo 421 gramm «ekstratsion opiy» giyohvandlik vositasi ashyoviy dalil sifatida olindi. Hozirda mazkur shaxslarga nisbatan jinoyat ishi qo‘zg‘atildi.

Gumonlanuvchilar hibsga olingan, hozirda tergov harakatlari olib borilmoqda.