Yunusobodda tadbirkor pichoqlandi – IIB ishni yopib yuborish payida

10 dekabr Yunusobod tumanida joylashgan «Makon» kafesi oldida janjal chiqdi. Natijada kafe egasi Mashhur Raximberganov pichoqlandi. 

Pichoqlagan odam mast bo‘lgan,  guvohlar uning kimligini bilmaydi.  Faqat 1999 yilda tug‘ilgani va voqeadan keyin vodiy tomonga qochib ketgani ma'lum. 

Voqeadan so‘ng guvohlar 102 ga murojaat qilishdi va pichoqlagan shaxs vodiyga ketish yo‘lida tutib qaytarib olib kelindi. 

«Ichki ishlar xodimlari ushbu jinoyatni imi-jimida hal qilish bilan ovora. Pichoq urgan odamga 109 modda (qasddan badanga yengil shikast yetkazish)  aybi qo‘yilyapti. Lekin shikast engilgina emas»  – deydi guvohlar.  

IIB bu ishni bosdi-bosdi qilmoqchiligini qanday tushunish mumkin?