G‘allaorolda «Jentra»ni olib qochgan shaxs ushlandi

Eltuzga kelib tushgan tezkor xabarga ko‘ra, avtomashina o‘g‘riligi bilan bog‘liq holat bo‘yicha gumonlanuvchi shaxs qo‘lga olindi.

Ma'lum qilinishicha, Jizzax viloyatining G‘allaorol tumani hududida “Jentra” rusumli avtomashinani bugun olib qochganlikda gumon qilingan shaxs bugunning o‘zida Jizzax shahrida profilaktika inspektori tomonidan aniqlanib, ushlangan.

Ma'lum qilinishicha, 2026 yil 23 yanvar kuni soat 19:50 larda Farg‘ona viloyati Dang‘ara tumanida yashovchi IIB tezkor vakili Shukurjon Abdullaev “112” xizmatiga murojaat qilgan. 

Shukurjon Abdullaevning aytishicha, shu kuni soat 19:45 larda boshqaruvida bo‘lgan qora rangli “Jentra” avtomashinasi G‘allaorol tumani hududidan o‘tuvchi M-39 avtomobil yo‘lida, Samarqand–Toshkent yo‘nalishi bo‘ylab harakatlangan va ochiq dala hududida hojatini chiqarish uchun mashinasini to‘xtatgan. 

Shu paytda avtomashinada bo‘lgan yosh yigit fursatdan foydalanib, transport vositasini olib qochgan.

Olib borilgan tezkor-qidiruv tadbirlari natijasida jinoyatni sodir etgan shaxs aniqlanib, ushlandi. U 2007 yilda tug‘ilgan, Farg‘ona viloyati Dang‘ara tumanida yashovchi Tursunov Ozodbek ekani ma'lum bo‘ldi.

Ozodbek ozodligidan mahrum bo‘ldi. Endi 20 yoshini qamag‘da kutib oladi.