Jurnalistlar uyini tortib olish qarorini chiqargan sudyaning o‘zi uni o‘z kuchida qoldirdi

Urganch tumanlararo fuqarolik sudining 27 noyabr kuni sudya O‘tkir Masharipov raisligidagi majlisida jurnalist aka-uka Bobojonovlarning uyini musodara qilish borasidagi quyi sud instantsiya qarori o‘z kuchida qoldirildi.

Gap shundaki, aka-uka Bobojonovlarning uylarini musodara qilish haqida 2018 yil fevral oyida chiqarilgan sud qarorini ham shu sudyaning o‘zi qabul qilgan edi.

Ya'ni sudya o‘zi qabul qilgan qarorni yana o‘zi kuchda qoldirdi.

Bobojonovlar advokatining «Eltuz» nashriga bildirishicha, «O‘tkir Masharipovning har ikkala qarori ham mahalliy hokimlik ta'sirida va mavjud qonunlarga zid tarzda qabul qilingan».

Bobojonovlar Urganch tumani sudining 27 noyabr kuni chiqarilgan qarori ustidan shikoyat arizasi ëzishlarini bildirishdi.

22 noyabr kuni «Ozod Yevropa – Ozodlik radiosi» (RFERL) ning Vashingtondagi qarorgohi ma'muriyati bu amalning jurnalistlardan o‘ch olinishi ekanini haqida baënot chiqargan, uning nusxasi O‘zbekiston Bosh prokuraturasiga jo‘natilgan edi.

Ayni baënotda «Ozodlik» muxbirining jurnalistik faoliyat bilan shug‘ullanadigan ikki ukasi – G‘ayrat va Qudrat Bobojonovlarga tegishli uylarning ham musodara qilingani qoralangan edi.

Eltuz.com