Yangilanmoqda: O‘zbekistonda elektr o‘chishlari

Toshkentning barcha hududlarida elektr energiyasi o‘chgani sababli Toshkent metropolitenining barcha yo‘nalishlarida vaqtinchalik metro harakati to‘xtadi. Hozircha mobil aloqa ishlamoqda. Lekin @EltuzTG ga yozishlaricha, Samarqand, Namangan, Xorazm va Andijon viloyatlari hamda Qoraqalpog‘istonda ham svet yo‘q.

Taxminan soat 11:00 larda O‘zbekistonning ko‘plab hududlarida, shu jumladan Toshkent shahri elektr energiyasida uzilish bo‘ldi. Mobil aloqalar ishlayapti. Manbalar O‘zbekiston energotizimida yirik avariya yuz bo‘lganini ma'lum qildilar.

Amirsoyda osma yo‘l to‘xtab qoldi. Elektr energiyasi tizimida kuzatilgan uzilishlar bois, Odatdagi hayot tarzi izdan chiqdi.

Qozog‘iston OAVlari ham Olmaota va mamlakatning janubiy hududlarida energiya uzilishi sodir bo‘lganini yozmoqda. Chimkent, Taraz, O‘sh va Bishkekda ham elektr energiyasi yo‘qligini aytishdi. Qirg‘izistonda ham svet yo‘q ekan.

Ayni paytda isitish, oqava hamda ichimlik suv tarmoqlarida uzilishlar, yirik shaharlarda svetoforlar o‘chgani sababli chorrahalarda tirbandliklar, metropolitenining barcha yo‘nalishlarida metro harakati to‘xtadi, Toshkent xalqaro aeroporti samolyotlarni qabul qilmayapti. Hozircha mobil aloqada uzilishlar kuzatilmayapti, xolos.

Soat 10:57 da Qozog‘iston Respublikasi Elektr tarmog‘ida katta avariya bo‘lishi natijasida Olma-ota, Shimkent, Taras, Turkiston (viloyatlarida) va atrof hududlarida Elektr energiya ta'minotida o‘chishlar yuzaga keldi.

Buning natijasida Qirg‘iziston elektr tarmog‘ida, jumladan Bishkek, O‘sh va boshqa barcha shaharlarda elektr energiya o‘chishi kuzatildi.

Yagona elektr tarmog‘iga ulangan O‘zbekiston elektr tarmog‘i bu avariyaning salbiy ta'siri natijasida Qozog‘istondan keluvchi 530 liniyadagi kuchlanish va chastotani keskin o‘zgarishi oqibatida Toshkent GRESi, Sirdaryo GRESi da avariya himoya vositalari ishlab ketib bu ikkala stantsiyani ham avtomatik ravishda o‘chishiga olib kelgan.

Natijada Farg‘ona va Toshkent shahri va viloyati, Farg‘ona vodiysi hududi, Sirdaryo, Jizzax, Samarqand, Navoiy, Qashqadaryo viloyatlari tarmoqlarida elektr energiyasi o‘chdi.

@EltuzTG