Pitstsa tarqatuvchi kabi

Ishdan bo‘shatilgan Lenta.ru axborot saytining bosh muharriri Galina Timchenko o‘z kasbini pitstsa tarqatuvchining ishi bilan qiyosladi.

Agar pitstsada murch bo‘lsayu, kimdadir bunga allergiya bo‘lsa u aybdor emas, dedi.

Jurnalist kasbining mantig‘i axborot uzatish tarmog‘i orqali bo‘layotgan muhim, qiziq va foydali axborotlarni o‘quvchiga, tomoshabinga, tinglovchiga yetkazishdir.

Bu kasb mutlaqo bequsurday tuyulishi mumkin, biroq ko‘pincha, deyarli barcha erkin bo‘lmagan mamlakatlarda u xatarli bo‘ladi va hatto taqiqlanadi.

Hukumat, o‘z manfaati yo‘lida, qaysidir axborotlarni yashirmoqchi bo‘ladi, yoki uning o‘ziga yoqmagan tarzda tarqatilishi va ta'riflanishini istamaydi. Shunda butun zarba o‘sha pitstsa tarqatuvchiga kelib tushadi.
O‘zbekistonda qiynoqlar ostida odamlar o‘layotganiga, Andijonda 2005 yil namoyishchilarning otilganiga jurnalistlar aybdor emas, biroq ular bu axborotlarning tarqalgani uchun jabrlanishadi.

Rossiya hukumati, Timchenkoning fevral oyida xalq inqilobi prezident Viktor Yanukovichni ag‘darishi bilan bog‘liq Ukraina voqealarini o‘ziga yoqmagan tarzda yoritgani, Kremlning shu darajada g‘azabini keltirdiki, Moskva hukumati SSSRni qayta tiklash haqida jiddiy o‘ylab qoldi.

Jurnalist faoliyati ko‘plab oddiy o‘quvchilarga ham yoqmaydi, ular zamonaviy texnologiya asrida, o‘zlarini hech xatarga qo‘ymay, qiyofasiz niklar ortiga yashirinib, jurnalistlarni haqorat qilishga, so‘kishga o‘tib olishdi.

“Men sizlarning izohlaringizni qadrlayman va bundan xafa bo‘lmayman, mening kasbim shunday, huddi pitstsa tarqatuvchi kabi”, – deydi Bobojanov.