Voyaga yetmaganlarning terimga chiqarilayotganiga oid yangi dalillar

Kecha majburiy paxta terimi jumladan bolalar ekspluatatsiyasi avj olgan Xorazm viloyatiga reydga chiqqan huquq himoyachilari Yelena Urlaeva va Malohat Eshonqulovalarning qo‘llari qayirib olib ketilgani foto va videokameralari tortib olingani, jumladan huquq himoyachilarini olib yurgan haydovchining o‘g‘lini xorazmlik militsionerlar kaltaklashgani haqida materiallar paydo bo‘lgan edi.

Shuningdek, bu yuzadan tashvish bildirib, xalqaro huquq himoya tashkilotlari O‘zbekiston hukumati idoralariga murojaat etishgan.

Faollarning yana aniqlashicha, o‘tgan haftada viloyat rasmiylari ko‘zbo‘yamachilik qilishgan, viloyatga Xalqaro mehnat tashkilotlari vakillari borgan paytda paxta dalalaridagi terimchilarni uylariga qaytarishgan, XMT vakillari ketgach tag‘in terimchilar majburiy mehnatga qaytarilgan.

«XMT kuzatuvchilari Xorazmga yo‘l olishi bilan mahalliy hokimiyat vakillari paxtaga yotoqqa jo‘natilgan o‘quvchilarni, o‘qituvchilari, shifokorlarni va barcha terimchilarni vaqtinchalik ortga qaytaradi. Farzandi paxtada erta qaytganiga xayron bo‘lgan ona xam shuni aytdi. XMT ekspertlari ketganidan keyin esa barcha terimchilar yana paxta dalasiga qaytarilgan, – deydi Ozodlik radiosiga bergan intervyusida Malohat Eshonqulova.

Germaniyada joylashgan UGF tashkilotining mazkur intsident yuzasidan tashvish bildirib yozgan maktubida «Xorazi viloyat rahbarlari Xalqaro mehnat tashkiloti ekspertlari va rahbariyatni aldayotgani», Aniqlangan faktlarga ko‘ra, voyaga yetmagan o‘nlab o‘quvchi sentyabr oyi boshidan buyon har shanba-yakshanba kunlari paxta terimiga chiqarilayotgani aniqlangani aytiladi.

Bugun qo‘limizga ular dalalarda olgan fotosuratlar kelib tushdi Eltuz.com ularni e'tiboringizga havola etadi.