Sobiq voizning arzon aljirashi

Karimov rejimi hosilasi bo‘lgan “jurnalist” Sherzod Qudratxo‘jaev matbuotdagi chiqishida o‘zbeklarni “benzin qimmatlasa, dod-voy soladigan arzon odamlar”, deb atadi.

U nega o‘zbeklar katta-katta xarj qilmaydi, qimmat narsalarni og‘rinmay olmaydi, degan ma'nodagi gaplarni aytib taajublanadi.

Oydan tushdimi bu odam? O‘qituvchi va shifokor 100 dollarga yetar-etmas oylik olsa, u qanday qilib ming-ming xarajat qilsin.

Bir paytlar Qudratxo‘jaev sig‘ingan diktator Karimov Moskvada ko‘cha supuraëtgan o‘zbeklardan ijirg‘anishini ta'kidlab, ularni “dangasalar”, deb atagan edi.

Qudratxo‘jaev ham bu ritorikani davom ettirib, “xitoylik va koreys tirishqoq”, o‘zbek esa tanbal, shu bois uning cho‘ntagida puli yo‘q, deya ëzg‘iradi.

Bundan ilgari Qudratxo‘jaev «yoshlar hidi» haqidagi prezident iborasini takrorlab, «bu hid Qozog‘iston yoki Xitoyniki kabi bo‘lishi kerak«ligini ta'kidlagandi.

Tilingni tiy, tirrancha, deydigan odam yo‘qmi atrofda?

Frantsiya qirolichasi Mariya Antuanettaga mulozimlar kelib, “xalqning yeyishga noni yo‘q” deyishgan.

Antuanetta esa o‘ylab o‘tirmasdan, “Noni yo‘q bo‘lsa, tort yeyaqolishsin” (Let them eat cake!), degan edi.

Qudrat Bobojon
Eltuz.com